చట్టవిరుద్ధ వేధింపులపై ఫిర్యాదు చేస్తే న్యాయపరంగా పోరాడుదాం ....... పొన్నూరు నియోజకవర్గ వైఎస్ఆర్సిపి సమన్వయకర్త అంబటి మురళీకృష్ణ

 పొన్నూరు మేజర్ న్యూస్:-పొన్నూరు నియోజకవర్గంలో వైసిపీ రాజకీయ కార్యకర్తలు, అభిమానులపై చట్టవిరుద్ధ ఒత్తిళ్లు, బెదిరింపులు, తప్పుడు కేసులు పెడుతున్నారనే ఫిర్యాదులు వస్తున్నాయని వైఎస్ఆర్ కాంగ్రెస్ పార్టీ పొన్నూరు నియోజకవర్గ సమన్వయకర్త అంబటి మురళీకృష్ణ ఆరోపించారు.ప్రజాస్వామ్యంలో రాజకీయ అభిప్రాయం వ్యక్తం చేయడం ప్రతి పౌరుడి హక్కు అని అధికారులు రాజకీయ ఒత్తిళ్లకు అతీతంగా రాజ్యాంగబద్ధంగా వ్యవహరించాలని ఆయన ఒక ప్రకటనలో తెలిపారు ఎన్నికల సమయంలో శాంతిభద్రతల పేరుతో చేపట్టే బైండోవర్ చర్యలు వాస్తవ సమాచారం చట్టబద్ధమైన కారణాలతోనే ఉండాలని అవి శిక్షించేందుకు కాకుండా శాంతిని కాపాడేందుకు మాత్రమే ఉపయోగించాలని సుప్రీంకోర్టు స్పష్టం చేసిందని గుర్తు చేశారు.ఎవరైనా అధికారి చట్టవిరుద్ధంగా వ్యవహరించారని భావిస్తే ఆధారాలతో ఉన్నతాధికారులకు ఫిర్యాదు చేయాలని, అవసరమైతే న్యాయస్థానాన్ని ఆశ్రయించవచ్చని సూచించారు. బెదిరింపులకు భయపడి హక్కులను వదులుకోవద్దని, అదే సమయంలో చట్టాన్ని చేతుల్లోకి తీసుకోవద్దని కోరారు.

 పొన్నూరు నేటి దినపత్రిక సూర్య రిపోర్టర్:- శిలార్