భక్తిశ్రద్ధలతో వాసవి అమ్మవారి శోభాయాత్ర

--ఆటపాటలతో అంబరాన్నంటిన ఆధ్యాత్మిక సందడి.

నవాబుపేట సూర్య న్యూస్: మండల కేంద్రంలో మండల ఆర్యవైశ్య సంఘం ఆధ్వర్యంలో శ్రీ వాసవి కన్యకా పరమేశ్వరి అమ్మవారి శరన్నవరాత్రి ఉత్సవాలు గత 11రోజులుగా భక్తిశ్రద్ధలతో ఘనంగా నిర్వహించారు.ఉత్సవాల ముగింపు సందర్భంగా బుధవారం అమ్మవారి శోభాయాత్రను కనుల పండువగా నిర్వహించారు.ఈ శోభాయాత్రలో మహిళలు,యువకులు,పెద్దలు పెద్ద సంఖ్యలో పాల్గొని భక్తి పారవశ్యంలో మునిగిపోయారు.సంప్రదాయ సంస్కృతులు ఉట్టిపడేలా ఆటపాటలతో సాగిన శోభాయాత్ర మండల కేంద్రంలో ఆధ్యాత్మిక సందడిని నింపింది.అమ్మవారికి ప్రత్యేక పూజలు నిర్వహిస్తూ భక్తులు భక్తిని చాటుకున్నారు.11రోజులపాటు అమ్మవారిని వివిధ రూపాల్లో అలంకరించి పూజలు నిర్వహించడంతో ఆలయ పరిసరాలు భక్తిమయంగా మారాయి.ఉత్సవాల సందర్భంగా భక్తులు అమ్మవారిని దర్శించుకుని మొక్కులు చెల్లించుకున్నారు.ఈ కార్యక్రమంలో మండల ఆర్యవైశ్య సంఘం నాయకులు ధర్మాపురం ప్రేమ్,సుధాకర్,బచ్చు సురేష్ కుమార్,బచ్చు రాఘవేందర్,బచ్చు బాలరాజు,రొక్కం రాఘవేందర్,ఆగిరి అశోక్,చిగుళ్లపల్లి శ్రీధర్,బచ్చు సంతోషి, ధర్మపురి గీత,బచ్చు గీత,రొక్కం లక్ష్మి తదితరులు పాల్గొన్నారు