వాసవి మాతకు పంచామృతాభిషేకం నవరాత్రుల్లో చిన్నారులతో కన్యకా పూజ

దువ్వూరు, మేజర్ న్యూస్: కడప జిల్లా దువ్వూరు  శ్రీ మరకత వాసవి కన్యకా పరమేశ్వరి దేవి దసరా నవరాత్రి ఉత్సవాల్లో భాగంగా ఏడవ రోజు వాసవి మాత, శివుడు, విఘ్నేశ్వరుడికి ప్రత్యేక పంచామృతాభిషేకాలు నిర్వహించారు. అనంతరం చండీ హోమం, ఆర్యవైశ్య కుటుంబాల చిన్నారులతో కన్యకా పూజ నిర్వహించినట్లు ఆర్యవైశ్య కమిటీ అధ్యక్షుడు ఆరవేటి సుబ్బారావు తెలిపారు. భక్తులకు తీర్థప్రసాదాలు అందజేసి అమ్మవారి దర్శనం కల్పించారు. దుర్గాష్టమి సందర్భంగా రాత్రి 11 గంటలకు శ్రీ కన్యకా పరమేశ్వరి దేవి మహిషాసురమర్దిని అలంకారంలో భక్తులకు దర్శనమివ్వనున్నట్లు కమిటీ సభ్యులు తెలిపారు.

రిపోర్టర్: జగన్మోహన్ రెడ్డి, దువ్వూరు, కడప జిల్లా