పారిశుధ్య కార్మికులకు దసరా కానుకలు అందజేసిన కౌన్సిలర్ శాంతిరాజు నాయక్

మేడ్చల్ ,మేజర్ న్యూస్:ఎల్లంపేట మున్సిపాలిటీ పరిధిలోని నాలుగో వార్డులో కౌన్సిలర్ శాంతి రాజు నాయక్ ఆధ్వర్యంలో దసరా పండుగను పురస్కరించుకుని పారిశుధ్య కార్మికులకు నూతన వస్త్రాలను అందజేశారు. ప్రతిరోజూ తెల్లవారుజామునే విధులకు హాజరై పరిసర ప్రాంతాలను పరిశుభ్రంగా ఉంచుతూ ప్రజల ఆరోగ్య పరిరక్షణలో కీలక పాత్ర పోషిస్తున్న కార్మికులను ఈ సందర్భంగా సన్మానించారు.
ఈ సందర్భంగా కౌన్సిలర్ శాంతిరాజు నాయక్ మాట్లాడుతూ.. ప్రజలు ఆరోగ్యంగా, పరిసరాలు పరిశుభ్రంగా ఉండేందుకు పారిశుధ్య కార్మికులు నిరంతరం శ్రమిస్తున్నారని అన్నారు. ఎండ, వానలను సైతం లెక్కచేయకుండా ఉదయాన్నే విధులకు హాజరై వీధులు, కాలనీలను శుభ్రం చేస్తూ సమాజానికి ఎనలేని సేవలు అందిస్తున్నారని కొనియాడారు. వారి కష్టాన్ని, సేవలను గుర్తించి దసరా పండుగ సందర్భంగా వస్త్రాలు అందజేయడం తనకు ఎంతో సంతోషాన్ని కలిగించిందని తెలిపారు.
పారిశుధ్య కార్మికుల సేవలు వెలకట్టలేనివని, వారు చేసే పనిని ప్రతి ఒక్కరూ గౌరవించాలని పేర్కొన్నారు. సమాజ పరిశుభ్రత కోసం నిరంతరం కృషి చేసే కార్మికులను ప్రోత్సహించడం, వారికి అండగా నిలవడం ప్రతి ఒక్కరి బాధ్యత అని రాజు నాయక్ అన్నారు.

రిపోర్టర్: తలారి శివకుమార్, మేడ్చల్.