తోటపల్లిలో ఘనంగా దుర్గాదేవి ఉత్సవాలు

గరుగుబిల్లి, సూర్య : మండల పరిధిలోని తోటపల్లి గ్రామంలో దుర్గాదేవి శరన్నవరాత్రి మహోత్సవాలలో భాగముగా పవిత్ర నాగావళి నది తీరాన వెలసి ఉన్న గంగా దుర్గాదేవి ఉత్సవాలను ఆదివారం ఘనంగా నిర్వహించారు. పవిత్ర నాగావళి నదీ తీరాన వెలసి ఉన్న దుర్గాదేవి ఉత్సవాలలో భాగంగా తోటపల్లి గ్రామం నుండి పెద్ద సంఖ్యలో భక్తులు మేళతాళాలతో తరలివచ్చి పవిత్ర నాగావళి నదీ తీరాన వెలసి ఉన్న దుర్గాదేవికి ప్రత్యేక పూజలు జరిపారు. ఇదిలా ఉండగా రావివలస గ్రామానికి చెందిన డ్రాయింగ్ టీచర్ రుగడ  శ్రీనివాసరావు దుర్గాదేవి విగ్రహానికి జీవకల ఉట్టి పడేలా పెయింటింగ్ తో అద్భుతంగా అలంకరించిన నేపథ్యంలో పలువురు భక్తులు అభినందించారు.ఈసంద ర్భంగా డ్రాయింగ్ టీచర్ రుగడ శ్రీనివాసరావు దంపతులను ఘనంగా సత్కరించారు. తోటపల్లి గ్రామానికి చెందిన గోవింద మాస్టారు, నాగరాజు, దుర్గాదేవి కమిటీ సభ్యులు తదితరులు రుగడ శ్రీనివాసరావు దంపతులకు శాలువ కప్పి ఘనంగా సన్మానించారు. ఈకార్యక్రమంలో తోటపల్లి గ్రామానికి చెందిన దుర్గాదేవి కమిటీ సభ్యులతో పాటు పెద్ద సంఖ్యలో భక్తులు పాల్గొన్నారు.

రిపోర్టర్ : శశి భూషణరావు, గరుగుబిల్లి, పార్వతిపురం మన్యం.