నేడు ఎంపీటీసీ ఎన్నికలకు అధికారిక నోటిఫికేషన్ విడుదల *ఎంపీడీవో నడిమింటి సూర్యనారాయణ వెల్లడి

గరుగుబిల్లి, సూర్య : ఎంపీటీసీ ఎన్నికలకు సంబం ధించి సోమవారం అధికారికంగా నోటిఫికేషన్ విడుదల చేయడం జరుగుతుందని మండల పరిషత్ అభివృద్ధి అధికారి నడిమింటి సూర్యనారాయణ వెల్లడించారు. ఈమేరకు మండల పరిషత్ అభివృద్ధి కార్యాలయంలో ఆదివారం స్థానిక విలేకరులతో మండల పరిషత్ అభివృద్ధి అధికారి నడిమింటి సూర్యనారాయణ మాట్లాడారు. ఎంపీటీసీ ఎన్నికలకు నోటిఫికేషన్ విడుదలకు సంబంధించి ఏర్పాట్లు పూర్తి చేయడం జరిగిందని పేర్కొ న్నారు.ఎంపీటీసీ ఎన్నికల్లో భాగముగా ఈనెల 21వ తేదీ నుండి 23వ తేదీ వరకు మండల పరిషత్ అభివృద్ధి కార్యాలయంలో ఉదయం తొమ్మిది గంటల నుండి సాయంకాలం ఐదు గంటల వరకు నామినేషన్లను స్వీకరించడం జరుగుతుందన్నారు. 24వ తేదీన ఎంపీటీసీ అభ్యర్థులకు సంబంధించి వచ్చిన నామినేషన్ల పరిశీలన కార్యక్రమం ఉంటుందన్నారు. 25వ తేదీన నామినేషన్ ఫారాలలో ఏమైనా తప్పిదాలు జరిగి తిరస్కరిం చిన నామినేషన్లపై అప్పీలు చేసుకోవ చ్చన్నారు.అదే 26వ తేదీన ఎన్నికల అధికారి తిరస్కరణ నామినేషన్ల పై తుది నిర్ణయం ఉంటుందన్నారు.27వ తేదీన పోటీ బరిలో ఉండ దలుచుకో   లేని అభ్యర్థులు తమ నామినేషన్లను ఉప సంహరించుకోవచ్చన్నారు.అదే విధంగా 27వ తేదీ సాయంకాలం ఎంపీటీసీ జడ్పిటిసి పదవులకు పోటీ చేయు అభ్యర్థుల పేర్లు నోటీసు బోర్డు లో ప్రకటన చేయడం జరుగుతుందని తెలిపారు.వచ్చే నెల మూడవ తేదీన ఎంపీటీసీ మరియు జడ్పిటిసి ఎన్నికల కు పోలింగ్ జరుగుతుందని ఎంపీడీవో నడిమింటి సూర్యనారాయణ వెల్లడిం చారు.ఐదవ తేదీన ఎంపీటీసీ మరియు జడ్పిటిసి ఓట్ల లెక్కింపు తదుపరి ఫలితాలను ప్రకటించడం జరుగుతుం దని అనంతరం గెలుపొందిన వారికి ఎన్నికల అధికారిచే ధ్రువీకరణ పత్రము అందజేయడం జరుగుతుందని ఎంపీడీవో సూర్యనారాయణ పేర్కొన్నారు.

రిపోర్టర్ : శశి భూషణరావు, గరుగుబిల్లి, పార్వతిపురం మన్యం.