తిరుపతిలో పదేళ్ల బాలిక అదృశ్యం -బాలిక కోసం అలిపిరి పోలీసులు గాలింపు

ఎడ్యుకేషన్ స్టాఫ్ రిపోర్టర్ :

పదేళ్ల బాలిక అదృశ్యమైన సంఘటన ఆదివారం కొత్తపల్లి కట్టకిందూరులో చోటుచేసుకుంది. పోలీసుల తెలిపిన వివరాలు ఇలా ఉన్నాయి..బత్తల మోక్షిత (10) బాలిక 5వ తరగతి చదువుతోంది. ఆదివారం మధ్యాహ్నం సుమారు 1 గంట సమయంలో చాక్లెట్లు కొనుక్కోవడానికి సమీప దుకాణానికి వెళ్లిన మోక్షిత తిరిగి ఇంటికి రాలేదు. కుటుంబ సభ్యులు వెతికినా ఆచూకీ లభించకపోవడంతో పోలీసులకు ఫిర్యాదు చేశారు. బాలిక తల్లి ఉషారాణి, తండ్రి ప్రసాద్ విడిపోయారు. సమీపంలోనే బాబాయి వెంకటేష్, అత్త శ్రీలక్ష్మి నివసిస్తున్నారు. మోక్షిత సాధారణంగా ఈ ఇళ్ల మధ్య తిరుగుతూ ఉండేది.సమాచారం అందిన వెంటనే అలిపిరి పోలీసులు ప్రత్యేక బృందాలతో గాలింపు చేపట్టారు. అదృశ్యమైన బాలిక ఆచూకీ తెలిసినా, ఎక్కడైనా కనిపించినా వెంటనే సమీప పోలీస్ స్టేషన్ కు లేదా పోలీస్ కంట్రోల్ రూమ్-డయల్ 100, 112కు సమాచారం అందించాలని అలిపిరి పోలీసులు కోరారు.

సీఎం గౌడ్ తిరుపతి స్టాఫ్ రిపోర్టర్