16న పిల్లల ప్రజావాణి

హనుమకొండ, మేజర్ న్యూస్, బాలల హక్కుల వారోత్సవాలను పురస్కరించుకొని నవంబరు 16 (సోమవారం రోజు) న హనుమకొండ కలెక్టరేట్‌లో పిల్లల ప్రజా వాణి నిర్వహించనున్నట్టు కలెక్టర్ చాహత్ బాజ్ పాయ్ ఒక ప్రకటనలో తెలిపారు. బాలల హక్కులపై సమాజంలో అవగాహన పెంపొందించి, వారి సమస్యలపై ప్రతి ఒక్కరిలో బాధ్యతను పెంపొందించేందుకు ఏర్పాటు చేసినట్లు చెప్పారు. తెలంగాణ రాష్ట్ర బాలల హక్కుల పరిరక్షణ కమిషన్  ఆదేశాల మేరకు మహిళాభివృద్ధి, శిశు సంక్షేమ శాఖ  సహకారంతో  నేడు సోమవారం రోజున కలెక్టరేట్ లో సాధారణ ప్రజావాణి ప్రాంగణంలోనే పిల్లల కోసం ప్రత్యేక డెస్క్ ఏర్పాటు చేస్తున్నట్లు,  తద్వారా తమ విద్య, ఆరోగ్యం, పోషణ, రక్షణ, ప్రాథమిక సౌకర్యాలు, సంక్షేమ పథకాల లబ్ధి తదితర అంశాలకు సంబంధించి నేరుగా  తెలియజేసి వినతిపత్రాలు సమర్పించాలని కలెక్టర్ చాహత్ బాజ్ పాయ్ తెలిపారు.

రిపోర్టర్: రమేష్ ;హన్మకొండ, హనుమకొండ జిల్లా