తనూజ, వర్షాల చదువుకు రూ.15 వేల ఆర్థిక సహాయం అందించిన గద్దె క్రాంతి కుమార్

విజయవాడ తూర్పు, మేజర్ న్యూస్ : శుక్రవారం ఉదయం 11వ డివిజన్‌కు చెందిన ముఠా కార్మికుడు గంగుల చంద్రరావు మనుమరాళ్లు తనూజ, వర్షాల పాఠశాల ఫీజుల నిమిత్తం టీడీపీ యువ నాయకులు గద్దె క్రాంతి కుమార్ రూ.15 వేల ఆర్థిక సహాయం అందజేశారు. ఈ ఆర్థిక సహాయాన్ని అశోక్ నగర్ లోని టీడీపీ కార్యాలయంలో అందజేశారు. తండ్రిని కోల్పోయిన ఈ ఇద్దరు విద్యార్థినుల చదువుకు ఎలాంటి ఆటంకం కలగకూడదనే ఉద్దేశంతో గద్దె ఫౌండేషన్ ద్వారా గత నాలుగు సంవత్సరాలుగా పాఠశాల ఫీజులను చెల్లిస్తున్నట్లు గద్దె క్రాంతి కుమార్ తెలిపారు. ఆర్థిక ఇబ్బందుల కారణంగా పిల్లల చదువుకు ఆటంకం కలగకూడదనే సంకల్పంతో విద్యార్థినుల భవిష్యత్తుకు భరోసా కల్పిస్తున్న గద్దె క్రాంతికుమార్ కు గంగుల చంద్రరావు కృతజ్ఞతలు తెలిపారు. ఈ కార్యక్రమంలో టీడీపీ నాయకులు అబ్దుల్ కరీం, మాదల చిన్నతల్లి, మైలామూరి ఫీరుబాబు, కొక్కెర తిరుపతయ్య, తలపాటి ప్రసాద్, గోగుల ఏసు, పగడాల వెంకటేశ్వ రెడ్డి, శ్రీను, కొడాలి సోమేశ్వరరావు తదితరులు పాల్గొన్నారు.

✍️ప్రేమ్ రాజ్, విజయవాడ, ఎన్టీఆర్ జిల్లా