andhrapradesh
స్థానిక ఎన్నికల్లో కూటమి విజయమే లక్ష్యం చంద్రబాబు జూమ్‌ సమావేశంలో పాల్గొన్న ఎమ్మెల్యే ఆరిమిల్లి
తణుకు, సూర్య న్యూస్ : త్వరలో జరగనున్న స్థానిక సంస్థల ఎన్నికల్లో కూటమి అభ్యర్థుల విజయమే లక్ష్యంగా పార్టీ శ్రేణులు సమన్వయంతో పనిచేయాలని ముఖ్యమంత్రి నారా చంద్రబాబు నాయుడు పిలుపునిచ్చారు. ఆదివారం ఆయన నిర్వహించిన జూమ్‌ కాన్ఫరెన్స్‌లో తణుకు ఎమ్మెల్యే, జోనల్‌ కోఆర్డినేటర్‌ ఆరిమిల్లి రాధాకృష్ణ పాల్గొన్నారు. ఎన్నికలకు క్షేత్రస్థాయిలో సన్నద్ధం కావాలని, అన్ని స్థానాల్లో కూటమి అభ్యర్థుల విజయానికి సమష్టిగా కృషి చేయాలని చంద్రబాబు సూచించారు. స్థానిక ఎన్నికల్లో బీసీలకు పార్టీ పరంగా 34 శాతం రిజర్వేషన్లు కల్పించాలన్న నిర్ణయంపై ఎమ్మెల్యే ఆరిమిల్లి హర్షం వ్యక్తం చేస్తూ ముఖ్యమంత్రికి కృతజ్ఞతలు తెలిపారు.
రిపోర్టర్ అనుకుమార్ తణుకు పశ్చిమగోదావరి జిల్లా
