స్ఫూర్తిదాయక నినాదం వందేమాతరం

సూర్య : స్ఫూర్తిదాయక నినాదం వందేమాతరం  అని  జనవిజ్ఞాన వేదిక జాతీయ నాయకులు డాక్టర్ ఎం వి ఆర్ కృష్ణాజి పేర్కొన్నారు. వందేమాతరం దినోత్సవాన్ని పురస్కరించుకొని తెలుగు భాషా పరిరక్షణ సమితి వ్యవస్థాపక అధ్యక్షులు సముద్రాల గురు ప్రసాద్ ఆధ్వర్యంలో గురజాడ  పబ్లిక్ స్కూల్లో విద్యార్థులకు అవగాహన కార్యక్రమాన్ని నిర్వహించారు. ఈ సందర్భంగా డాక్టర్ కృష్ణాజీ మాట్లాడుతూ 1896లో కలకత్తాలో జరిగిన భారత జాతీయ కాంగ్రెస్ సమావేశంలో రవీంద్రనాథ్ ఠాగూర్ వందేమాతరం గేయాన్ని ఆలపించారు అని అన్నారు. గురు ప్రసాద్ మాట్లాడుతూ వందేమాతరం కేవలం ఒక గేయం మాత్రమే కాదని భారత స్వాతంత్ర్య పోరాట స్ఫూర్తికి, దేశభక్తికి ప్రతీకగా నిలిచింది అని మాతృభూమిపై అపారమైన ప్రేమకు, దేశభక్తికి, జాతీయ సమైక్యతకు నిలువెత్తు ప్రతీక వందేమాతరం అని పేర్కొన్నారు. ఈ సమావేశంలో కరస్పాండెంట్ ఏం స్వరూప ,ప్రధాన ఉపాధ్యాయులు పూడి శేఖర్ తదితరులు పాల్గొన్నారు.