రాజాం కౌంటింగ్ కేంద్రాన్ని పరిశీలించిన జాయింట్ కలెక్టర్

రాజాం, సూర్య : రాజాం,సంతకవిటి,రేగిడి ఆమదాలవలస,వంగర మండలాలకు చెందిన ఎంపీటీసీ,జడ్పీటీసీ ఎన్నికల ఓట్ల లెక్కింపు కోసం స్థానిక జిఎంఆర్ వరలక్ష్మి డీఏవీ పబ్లిక్ స్కూల్‌లో ఏర్పాటు చేసిన కౌంటింగ్ కేంద్రాన్ని జాయింట్ కలెక్టర్ ఎస్ సేధు మాధవన్ సందర్శించి ఏర్పాట్లను పరిశీలించారు. కౌంటింగ్ ప్రక్రియ సజావుగా,పారదర్శకంగా నిర్వహించేందుకు అవసరమైన సూచనలు అధికారులకు జారీ చేశారు.అనంతరం కౌంటింగ్ కేంద్రంలో ఏర్పాటు చేసిన కంట్రోల్ రూమ్‌ను సందర్శించి పర్యవేక్షణ ఏర్పాట్లను పరిశీలించారు.