andhrapradesh
సూళ్లూరుపేట, వెంకటగిరి, గుత్తి, పెనుకొండ కూటమి కైవసం.. పుంగనూరులో టీడీపీ ఘనవిజయం
అమరావతి:ఆంధ్రప్రదేశ్ పట్టణ స్థానిక సంస్థల ఎన్నికల ఫలితాల్లో అధికార ఎన్డీయే కూటమి (టీడీపీ-జనసేన-బీజేపీ) ప్రభంజనం కొనసాగుతోంది. తాజాగా వెలువడిన ఫలితాల్లో సూళ్లూరుపేట, వెంకటగిరి, గుత్తి, పెనుకొండ మున్సిపాలిటీలను కూటమి క్లీన్‌స్వీప్ చేసి తన ఖాతాలో వేసుకుంది.
మరోవైపు ఉమ్మడి చిత్తూరు జిల్లాలోని కీలకమైన పుంగనూరు మున్సిపాలిటీని తెలుగుదేశం పార్టీ (టీడీపీ) కైవసం చేసుకుంది. పుంగనూరు పట్టణంలో టీడీపీ అభ్యర్థులు స్పష్టమైన ఆధిపత్యాన్ని ప్రదర్శించి విజయకేతనం ఎగరవేశారు.
వివిధ జిల్లాల్లో కౌంటింగ్ ప్రక్రియ శరవేగంగా సాగుతుండటంతో ప్రధాన కార్పొరేషన్లు, మున్సిపాలిటీలు, నగర పంచాయతీలలో కూటమి అభ్యర్థుల విజయోత్సవాలు మిన్నంటాయి. ఓట్ల లెక్కింపు తుది ఘట్టానికి చేరుకోవడంతో మిగిలిన స్థానాల ఫలితాలు కూడా త్వరలోనే అధికారికంగా వెలువడనున్నాయి.
