తుఫాన్ ప్రభావంతో వత్సవాయిలో కొనసాగుతున్న వర్షాలు రాత్రి నుంచి ఎడతెరిపి లేని వాన.. నిర్మానుష్యంగా మారిన రహదారులు
వత్సవాయి: తుఫాన్ ప్రభావంతో వత్సవాయి మండలంలో వర్షాలు కొనసాగుతున్నాయి. గత రాత్రి నుంచి కురుస్తున్న ఎడతెరిపి వర్షంతో మండలంలో జనజీవనం స్తంభించింది. వర్షం కారణంగా ప్రధాన రహదారులు, వీధులు నిర్మానుష్యంగా మారాయి. అత్యవసర పనులు మినహా ప్రజలు ఇళ్ల నుంచి బయటకు రావడం లేదు. సాధారణంగా రద్దీగా ఉండే రహదారులు సైతం ప్రజలు, వాహనాల రాకపోకలు లేక బోసిపోయాయి.
వర్షాల నేపథ్యంలో లోతట్టు ప్రాంతాల ప్రజలు అప్రమత్తంగా ఉండాలని సూచిస్తున్నారు. తుఫాన్ పరిస్థితులను దృష్టిలో ఉంచుకుని పోలీస్, రెవెన్యూ, విద్యుత్ శాఖల అధికారులు అప్రమత్తంగా ఉన్నారు. ఎలాంటి అత్యవసర పరిస్థితులు ఎదురైనా వెంటనే స్పందించేలా సంబంధిత శాఖల సిబ్బంది సిద్ధంగా ఉన్నారు.
ప్రజలు అనవసరంగా బయటకు రావద్దని, విద్యుత్ స్తంభాలు, తెగిపడిన విద్యుత్ తీగలకు దూరంగా ఉండాలని అధికారులు సూచిస్తున్నారు. తుఫాన్ ప్రభావం తగ్గే వరకు ప్రజలు అప్రమత్తంగా ఉండాలని కోరుతున్నారు.
