నెల్లుట్ల లో ఉచిత నట్టల నివారణ మందుల పంపిణీ-ప్రభుత్వ పథకాలను పాడి రైతులు సద్వినియోగం చేసుకోవాలి-సర్పంచ్ నర్సింగ రామకృష్ణ

లింగాలఘణపూర్, మేజర్ న్యూస్, పాడి పశువుల సంరక్షణతోనే గ్రామీణ ఆర్థికాభివృద్ధి సాధ్యమని నెల్లుట్ల గ్రామ సర్పంచ్ నర్సింగ రామకృష్ణ అన్నారు. సోమవారం మండల పరిధిలోని నెల్లుట్ల గ్రామంలో పశుసంవర్ధక శాఖ ఆధ్వర్యంలో ఉచిత నట్టల నివారణ మందుల పంపిణీ కార్యక్రమం నిర్వహించారు.ఈ కార్యక్రమానికి ముఖ్య అతిథిగా హాజరైన సర్పంచ్ మాట్లాడుతూ, తెలంగాణ ప్రభుత్వం పాడి రైతుల సంక్షేమానికి అధిక ప్రాధాన్యతనిస్తోందని, ప్రభుత్వం ఉచితంగా పంపిణీ చేస్తున్న మందులను గేదెలు, ఆవుల పెంపకందారులు సద్వినియోగం చేసుకోవాలని పిలుపునిచ్చారు. ప్రతి మూడు నెలలకోసారి క్రమం తప్పకుండా పశువులకు నట్టల నివారణ మందు వేయడం ద్వారా వాటిని ప్రమాదకర వ్యాధుల బారిన పడకుండా కాపాడుకోవచ్చని, తద్వారా పాల దిగుబడి పెరుగుతుందని సూచించారు.అనంతరం వెటర్నరీ వైద్యులు డాక్టర్ వాసు, డాక్టర్ శైలజ మాట్లాడుతూ, జీవాల్లో నట్టల తీవ్రత పెరిగితే రక్తహీనత ఏర్పడి పశువులు నీరసించిపోతాయని, రైతులు విధిగా పశువైద్యుల సలహాలు పాటిస్తూ టీకాలు, మందులు వేయించాలని పేర్కొన్నారు.ఈ కార్యక్రమంలో ఉపసర్పంచ్ దామెర కావ్య ప్రభాకర్, వార్డు సభ్యుడు కొయ్యడ అనిల్, స్థానిక రైతులు, పశువుల పెంపకందారులు తదితరులు పాల్గొన్నారు.

రిపోర్టర్; కార్తీక్ ,లింగాల ఘనపూర్, జనగామ జిల్లా