కౌంటింగ్ కేంద్రంలో వివాదం -బీజేపీ నేతను తోసేసిన పోలీసులు -జనరల్ ఏజెంటైన తనను కౌంటింగ్ కేంద్రంలోకి అనుమతించలేదని బీజేపీ పొనగంటి భాస్కర్ ఆగ్రహం
ఎడ్యుకేషన్ స్టాఫ్ రిపోర్టర్: తిరుపతిలోని ఎస్ వి ఆర్ట్స్ కళాశాలలో ఏర్పాటు చేసిన మున్సిపల్ కార్పొరేషన్ ఎన్నికల కౌంటింగ్ కేంద్రం వద్ద వివాదం చోటుచేసుకుంది. ఎస్ వి ఆర్ట్స్ కళాశాలలో మున్సిపల్ కార్పొరేషన్ ఎన్నికలకు సంబంధించి ప్రక్రియను ప్రారంభించారు. కొద్దిసేపటి తర్వాత బిజెపి జనరల్ ఏజెంట్ భాస్కర్ కౌంటింగ్ కేంద్రం వద్ద పోలీసులు అడ్డుకున్నారు. దీంతో కౌంటింగ్ కేంద్రం వద్ద ఉద్రిక్తత నెలకొంది. భాస్కర్ మీడియాతో మాట్లాడుతూ 24వ డివిజన్ బీజేపీ కార్పొరేటర్ అభ్యర్థికి తాను జనరల్ ఏజెంట్ గా ఉన్నానన్నారు. తనను కౌంటింగ్ కేంద్రంలోనికి వెళ్ళనీయకుండా పోలీసులు అడ్డుకున్నారని వాపోయారు. తనను తోసేసి దాడి చేసేందుకు ప్రయత్నించారని ఆగ్రహం వ్యక్తం చేశారు. తనను అడ్డుకున్న పోలీసు అధికారులను వెంటనే సస్పెండ్ చేయాలని ఎస్పీని కోరారు. లేదంటే కౌంటింగ్ కేంద్రం వద్ద బిజెపి కార్యకర్తలతో నిరసన తెలియజేస్తానని తెలిపారు. ఇద్దరు ముగ్గురు జనరల్ ఏజెంట్లను మాత్రం లోపలికి అనుమతి ఇచ్చారని, తనను మాత్రం అనుమతించలేదని మండిపడ్డారు. ఈ విషయాన్ని ఎస్పీ దృష్టికి తీసుకెళ్తానన్నారు. ఏ అధికారంతో తనను అడ్డుకున్నారని, మీడియా సాక్షిగా తనను గెంటివేశారన్నారు. కౌంటింగ్ కేంద్రంలో ఉన్న డీఎస్పీ భక్తవత్సలం బయటికి వచ్చి ఆయనకు సర్ది చెప్పారు. తనకు అవమానం జరిగిందని, తనను లోనికి అనుమతించలేదని భాస్కర్ ఆయనతో చెప్పుకొచ్చారు. జాతీయ పార్టీలో ఉన్న తనను అడ్డుకోవడం ఏమిటని, బిజెపి పార్టీకి ఏజెంట్గా ఉన్న తనను ఎలా అడ్డుకుంటారన్నారు. ఈ సందర్భంగా డిఎస్పి జనరల్ ఏజెంట్‌ను లోపలికి అనుమతించడంతో పరిస్థితి సద్దుమణిగింది.
సీఎం గౌడ్ తిరుపతి స్టాప్ రిపోర్టర్
