సొంత డివిజన్‌లోనే ఆనం విజయకుమార్ రెడ్డికి ఎదురుదెబ్బ!

నెల్లూరు,  మేజర్ న్యూస్ :    చింతారెడ్డిపాలెం 5వ డివిజన్‌లో టీడీపీ అభ్యర్థి ఇంగిలాల అబ్రహం విజయం.  398 ఓట్ల మెజారిటీతో టీడీపీ అభ్యర్థి గెలుపు..

నెల్లూరు రూరల్ రాజకీయాల్లో చింతారెడ్డిపాలెం 5వ డివిజన్ ఎన్నికల ఫలితం ఆసక్తికరంగా మారింది. ఆనం విజయకుమార్ రెడ్డి సొంత ప్రాంతమైన చింతారెడ్డిపాలెంలో వైసీపీ కార్పొరేటర్ అభ్యర్థి జాషువా ఓటమి పాలయ్యారు. ఈ డివిజన్‌లో టీడీపీ అభ్యర్థి ఇంగిలాల అబ్రహం 398 ఓట్ల మెజారిటీతో విజయం సాధించారు. ఈ ఎన్నికను కోటంరెడ్డి సోదరులు ప్రతిష్టాత్మకంగా తీసుకుని ప్రచారం నిర్వహించడంతో టీడీపీ శ్రేణుల్లో ఉత్సాహం నెలకొంది. మరోవైపు ఆనం విజయకుమార్ రెడ్డికి సొంత ప్రాంతంలోనే ఎదురైన ఈ ఫలితం స్థానిక రాజకీయ వర్గాల్లో చర్చనీయాంశంగా మారింది. చింతారెడ్డిపాలెం ఫలితంతో నెల్లూరు రూరల్ రాజకీయాల్లో కోటంరెడ్డి సోదరుల పాత్రపై మరోసారి చర్చ మొదలైంది.