కుందుర్పి తెలుగు దేశం పార్టీ జడ్పిటిసి అభ్యర్థి ప్రచారం జోరు.
కుందుర్పి: మండలంలోని తెనగల్లు, కరిగానపల్లి గ్రామాల్లో తెలుగుదేశం పార్టీ ఎన్నికల ప్రచారం ఉత్సాహంగా సాగింది. జడ్పీటీసీ, ఎంపీటీసీ ఎన్నికలను పురస్కరించుకుని టీడీపీ నాయకులు, కార్యకర్తలు గ్రామాల్లో విస్తృతంగా పర్యటిస్తూ పార్టీ అభ్యర్థులకు మద్దతుగా ఓటర్లను కలిశారు. వీధివీధినా ప్రచారం నిర్వహిస్తూ పార్టీ విధానాలు, ప్రభుత్వ సంక్షేమ కార్యక్రమాలను ప్రజలకు వివరిస్తూ ఓట్లు అభ్యర్థించారు. ప్రచార కార్యక్రమంలో పసుపు జెండాలు, సైకిల్ గుర్తులతో టీడీపీ శ్రేణులు సందడి చేశాయి. ఎమ్మెల్యే అమిలినేని సురేంద్రబాబు ఆశీస్సులతో, కుందుర్పి మండల టీడీపీ అధ్యక్షుడు జి. ధనుంజయ ఆధ్వర్యంలో ప్రచార కార్యక్రమం కొనసాగింది. కుందుర్పి మండల జడ్పీటీసీ అభ్యర్థి జి.ఎల్. ప్రభావతి, ఎంపీటీసీ అభ్యర్థి సుమియా భానును గెలిపించడమే లక్ష్యంగా పార్టీ నాయకులు సమన్వయంతో ముందుకు సాగారు. ఈ సందర్భంగా టీడీపీ నాయకులు మాట్లాడుతూ ప్రజల ఆదరణ, కార్యకర్తల కృషితో ఎన్నికల్లో విజయం సాధిస్తామనే ధీమా వ్యక్తం చేశారు. గ్రామాల అభివృద్ధి, ప్రజా సమస్యల పరిష్కారం, ప్రభుత్వ సంక్షేమ పథకాలను అర్హులైన ప్రతి ఒక్కరికీ అందించడమే తమ ప్రాధాన్యమని పేర్కొన్నారు. పార్టీ అభ్యర్థులకు ఓటు వేసి భారీ మెజారిటీతో గెలిపించాలని ఓటర్లను కోరారు. ప్రచారంలో స్థానిక టీడీపీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు. గ్రామాల్లో ఇంటింటి ప్రచారం నిర్వహిస్తూ ప్రజలతో మమేకమయ్యారు. ఎన్నికల ప్రచారంతో తెనగల్లు, కరిగానపల్లి గ్రామాల్లో రాజకీయ సందడి నెలకొంది.
కళ్యాణదుర్గం టౌన్ రిపోర్టర్ :- బోయ రంగస్వామి.
