international
ఆస్ట్రేలియా సోషల్ మీడియా బ్యాన్‌పై హైకోర్టులో సవాల్
కాన్‌బెర్రా:ఆస్ట్రేలియా ప్రభుత్వం 16 ఏళ్ల లోపు పిల్లలకు సోషల్ మీడియా వినియోగాన్ని నిషేధిస్తూ తీసుకువచ్చిన చట్టాన్ని వ్యతిరేకిస్తూ అక్కడి అత్యున్నత న్యాయస్థానం (హైకోర్టు)లో విచారణ ప్రారంభమైంది. ఈ నిర్ణయాన్ని సవాల్ చేస్తూ సాంకేతిక దిగ్గజాలు, హక్కుల సంఘాలు పిటిషన్లు దాఖలు చేయడంతో ఈ వ్యవహారం ఆసక్తికరంగా మారింది.
డిజిటల్ ఫ్రీడమ్ ప్రాజెక్ట్ తో పాటు ప్రముఖ సోషల్ మీడియా సంస్థ 'రెడ్డిట్' దాఖలు చేసిన పిటిషన్లలో, ఈ నిషేధ చట్టం ఆస్ట్రేలియా రాజ్యాంగం కల్పిస్తున్న రాజకీయ భావప్రకటనా స్వేచ్ఛను, వినియోగదారుల వ్యక్తిగత గోప్యతను తీవ్రంగా ఉల్లంఘిస్తోందని పేర్కొన్నాయి. అంతేకాకుండా, ప్రభుత్వ నిబంధనలను పాటించని సోషల్ మీడియా వేదికలకు సుమారు రూ. 290 కోట్లు (34.5 మిలియన్ ఆస్ట్రేలియన్ డాలర్లు) వరకు భారీ జరిమానా విధించేలా కఠిన నిబంధనలు పొందుపరిచారు. ఈ పిటిషన్లపై ఆస్ట్రేలియా హైకోర్టు తీర్పుపై ప్రస్తుతం ప్రపంచవ్యాప్తంగా ఉత్కంఠ నెలకొంది.
