కోనాడలో తెదేపా రెబల్ అభ్యర్థి సత్తిబాబు గెలుపు పై ధీమా

పూసపాటిరేగ, సూర్య : తెదేపాకు కంచు కోట అయిన కోనాడలో ఎంపీటీసీ ప్రచార హోరులో తెదేపా రెబల్ అభ్యర్థిగా పోటీ చేస్తున్న మైలపల్లి సత్తిబాబు ముందంజలో ఉంటూ ఓటర్లను ఆకట్టుకునే ప్రయత్నం చేస్తున్నారు. తెదేపా పార్టీ తరఫున బీ ఫారం రాకపోవడంతో వైకాపా అభ్యర్థిపై సత్తిబాబు స్వతంత్ర అభ్యర్థిగా పోటీ చేస్తున్నారు. గత రెండుసార్లు ఎంపీటీసీగా పనిచేసిన లక్ష్మారెడ్డి అభివృద్ధి చేయడంలో వెనుక బడి ఉండడంతో అదే ప్రచారస్థరాన్ని సంధించి సత్తిబాబు ఓటర్లను తనదైన శైలిలో ఆకట్టుకునే విధంగా ప్రచారం చేస్తున్నారు. సత్తిబాబుకు తెదేపా సీనియర్ నాయకుడు, రాష్ట్ర మత్స్య కార నాయకుడు అండదండలు కూడా ఉండడంతో గెలుపు పై సత్తిబాబు భీమాను వ్యక్తం చేస్తున్నారు. దీనితోపాటు కూటమి తరుపున అటు తెదేపా గాని, జనసేన పార్టీ తరపున గుర్తులు లేకపోవడంతో తనకు కేటాయించిన గుర్తును ప్రజలకు వివరిస్తూనే ఓట్లను అర్ధించే విధంగా సత్తిబాబు తన ప్రచారాన్ని ముమ్మరం చేశారు. చివరి రోజు అయిన మంగళవారం ప్రచారానికి చివరి గడువు అయినప్పటికీ భారీ ర్యాలీగా జనసేన జడ్పిటిసి అభ్యర్థిగా పోటీ చేస్తున్న కోట్ల రేవతి తో కలిసి సత్తిబాబు ప్రచారం చేస్తూ ఓటర్లను ఆకట్టుకోవడంతో విజయం తననే వరిస్తుందన్న ధీమాను సత్తిబాబు వ్యక్తం చేస్తున్నారు.