కౌంటింగ్ ప్రక్రియ వేగంగా జరగాలి * జాయింట్ కలెక్టర్ ఎస్. సేధు మాధవన్ *

​విజయనగరం, సూర్య : విజయనగరం మున్సిపల్ కార్పొరేషన్ ఎన్నికల ఓట్ల లెక్కింపునకు రాజీవ్ స్టేడియంలో ఏర్పాటు చేసిన కౌంటింగ్ కేంద్రాన్ని జిల్లా జాయింట్ కలెక్టర్ ఎస్. సేధు మాధవన్ మంగళవారం పరిశీలించారు. కౌంటింగ్ కేంద్రంలోని ఏర్పాట్లను, అధికారుల పనితీరును దగ్గరుండి పర్యవేక్షించారు. ​ఈ సందర్భంగా జాయింట్ కలెక్టర్ మాట్లాడుతూ... ఓట్ల లెక్కింపు ప్రక్రియ అత్యంత పారదర్శకంగా, నిబంధనలకు అనుగుణంగా మరియు వేగంగా పూర్తి చేయాలని అధికారులను ఆదేశించారు. ఎలాంటి పొరపాట్లకు తావులేకుండా సిబ్బంది అప్రమత్తంగా వ్యవహరించాలని, లెక్కింపు ప్రక్రియ సజావుగా సాగేందుకు ప్రణాళికాబద్ధంగా పనిచేయాలని జెసి సూచించారు.