జన జాతరగా రేవతి ఎన్నికల ప్రచారం

  రేగిడి, సూర్య :  ఎన్నికల ప్రచారంలో చివరి రోజు అయిన మంగళవారం కూటమి తరుపున జనసేన పార్టీ తరపున గ్లాస్ గుర్తుపై పోటీ చేస్తున్న రేవతి ఎన్నికల ప్రచారం జన జాతరను తలపించింది. నామినేషన్ వేసినప్పటినుంచి గ్రామాలలో తన భర్త కోట్ల రఘు సహకారంతో రేవతి ఎన్నికల ప్రచారం ఓటర్లను అడుగున ఆకట్టుకుంది. మండలంలోని అన్ని గ్రామాలను చుట్టేయడమే కాకుండా ఇంటింటికి వెళ్లి తాను చేపట్టబోయే అభివృద్ధి కార్యక్రమాలతో పాటు యువతకు ఉపాధి అవకాశాలు కల్పించే విధంగా తన వంతు కృషి చేస్తానంటూ ప్రచారంలో తనదైన శైలిలో ఓటర్లను ఆకర్షించే ప్రయత్నం చేశారు. ప్రచార కార్యక్రమంలో భాగంగా చివరి రోజైన మంగళవారం బత్తివలస, కుమిలి, రెల్లివలస, కొప్పెర్ల, నడిపల్లి, కోనాడ గ్రామాలలో రేవతి జడ్పిటిసి గా పోటీ చేస్తున్న తనను ఆదరించి జనసేన పార్టీ తరఫున గ్లాస్ గుర్తుపై ఓటు వేస్తే తన స్వగ్రామమైన కొవ్వాడ అగ్రహారంకు చేసిన అభివృద్ధిని, మండలంలో ఉన్న అన్ని గ్రామాలకు విస్తరిస్తానంటూ ఓటర్లను రేవతి ఆకర్షించే ప్రయత్నం చేశారు. ఓటర్ల విశేషాదరణ వలనతన గెలుపుకు ఎటువంటి ఢోకా లేదని, మెజారిటీయే ఎంత అన్నది ఎన్నికల ఫలితాల్లో  వేచి చూడాల్సి ఉందని జడ్పిటిసి గా జనసేన తరఫున పోటీ చేస్తున్న రేవతి  ధీమా వ్యక్తం చేశారు.