మురుసు తుఫాన్ ప్రభావం - నీట మునిగిన వరి పంటలు - కౌలు రైతుల ఆవేదన

కొల్లూరు, మేజర్ న్యూస్: మురుసు తుఫాన్ ప్రభావంతో కురిసిన భారీ వర్షాలకు కొల్లూరు మండలంలో వరి పంట తీవ్రంగా దెబ్బతింది. వరి పంట నేలవాలి నీట మునగడంతో రైతులు తీవ్ర ఆందోళన చెందుతున్నారు. కొల్లూరు, క్రాప, అనంతవరం, ఈపూరు, చిలుమూరు, దోనేపూడి తదితర గ్రామాల్లో వందలాది ఎకరాల్లో పంట పొలాలు దెబ్బతిన్నాయని రైతులు తెలిపారు. ఎకరాకు పెట్టుబడి, కౌలు కలిపి సుమారు రూ.50,000 వరకు ఖర్చు చేశామని, వరుస తుఫాన్లతో పంటలు దెబ్బతిని తీవ్రంగా నష్టపోతున్నామని కౌలు రైతులు ఆవేదన వ్యక్తం చేస్తున్నారు. ప్రభుత్వం వెంటనే స్పందించి పంట నష్టాన్ని అంచనా వేసి,రైతులను ఆదుకోవాలని వారు కోరుతున్నారు.