రూపాయి నాణెలతో సర్పంచ్ అభ్యర్థి నామినేషన్
నెేటి దినపత్రిక సూర్య బ్యూరో రాజమహేంద్రవరం తూర్పుగోదావరి జిల్లా పెరవలి మండలం కానూరు అగ్రహారం గ్రామ సర్పంచ్ అభ్యర్థినిగా పోటీ చేస్తున్న హరిదాసు వాసవి సాయి ప్రియాంక శనివారం గ్రామ సర్పంచ్ అభ్యర్థిగా నామినేషన్ దాఖలు చేశారు. ఈ సందర్భంగా తన భర్త హరిదాసు విజయ్ కుమార్ తో కలిసి తన నామినేషన్కు సంబంధించిన డిపాజిట్ మొత్తమైన రూ.3,000లను రూపాయి నాణేల రూపంలో చెల్లించి అందరి దృష్టిని ఆకర్షించారు.ప్రజాస్వామ్య ఎన్నికల ప్రక్రియలో తనదైన ప్రత్యేకతను చాటుతూ రూపాయి నాణేలతో డిపాజిట్ చెల్లించడం స్థానికంగా ఆసక్తికరంగా మారింది.ఈ సందర్భంగా కానూరు అగ్రహారం గ్రామంలో ఈ రూపాయి నాణేల డిపాజిట్ చెల్లింపు చర్చనీయాంశంగా నిలిచింది.