telangana
మందగూడలో చిన్నారులకు టీకాలు - టీకాలపై తల్లిదండ్రులకు అవగాహన అవసరం - సర్పంచ్ తుమ్రం గోపాల్
సూర్య తిర్యాణి : తిర్యాణి, మందగూడ గ్రామ పంచాయతీ పరిధిలోని అంగన్వాడీ కేంద్రం వద్ద శనివారం చిన్నారులకు టీకాల కార్యక్రమం నిర్వహించారు. వైద్య సిబ్బంది చిన్నారులకు టీకాలు వేశారు.ఈ సందర్భంగా సర్పంచ్ తుమ్రం గోపాల్ మాట్లాడుతూ, చిన్నారుల ఆరోగ్య పరిరక్షణలో టీకాలు కీలక పాత్ర పోషిస్తాయని అన్నారు. టీకాల ప్రయోజనాలపై తల్లిదండ్రులు అవగాహన పెంచుకుని, తమ పిల్లలకు నిర్ణీత టీకాల పట్టిక ప్రకారం సరైన సమయంలో టీకాలు వేయించాలని సూచించారు. సకాలంలో టీకాలు వేయించడం వల్ల పలు అంటువ్యాధుల నుంచి రక్షణ లభిస్తుందని, పిల్లల్లో వ్యాధి నిరోధక శక్తి పెంపొందుతుందని తెలిపారు. ఏ టీకా ఎప్పుడు వేయించాలనే సందేహాలు ఉంటే ఏఎన్ఎం లేదా వైద్య సిబ్బందిని సంప్రదించాలని కోరారు.ఈ కార్యక్రమంలో పంచాయతీ కార్యదర్శి, ఆశా వర్కర్, ఏఎన్ఎం, అంగన్వాడీ సిబ్బంది, ఎంఎల్హెచ్పీ లతశ్రీ తదితరులు పాల్గొన్నారు.