రూ 35 లక్షలతో రుద్ర భూమి ఆధునీకరణ -- ప్రారంభించిన విప్ నాయకర్

నర్సాపురం రూరల్, సూర్ న్యూస్ :మండలంలోని కొప్పర్రు గ్రామంలో రుద్ర భూమిని ఆ గ్రామ నివాసి, జనసేన నియోజకవర్గ నాయకులు పోలిశెట్టి శ్రీనివాస్ రూ 35 లక్షల నిధులతో ఆధునికరించారు. సకల సౌకర్యాలు ఏర్పాటుచేసిన ఈ రుద్ర భూమిని రాష్ట్ర ప్రభుత్వ విప్ బొమ్మిడి నాయకర్ ఆదివారం ప్రారంభించారు. ఈ సందర్భంగా ఆయన మాట్లాడుతూ ప్రతి వ్యక్తి అంతిమముగా ఈ రుద్ర భూమికి చేరుకోవాలని, ఆఖరి ఘడియలలో మరణించిన వ్యక్తిని దహన సంస్కారాలు చేసేందుకు వచ్చిన వారికి ఎటువంటి ఇబ్బందులు కలగకుండా ఏర్పాటుచేసిన పోలిశెట్టి శ్రీనివాస్ ను నాయకర్ అభినందించారు. ఎన్నో ఏళ్లుగా శిథిలావస్థకు చేరిన ఈ రుద్ర  భూమిని సొంత నిధులతో అభివృద్ధి చేయటం ఎంతో గర్వకారణం అన్నారు. నియోజకవర్గ తెలుగుదేశం పార్టీ ఇంచార్జ్ పొత్తూరి రామరాజు, ఆ పార్టీ రాష్ట్ర నాయకులు కొవ్వలి  యతి రాజా రామ్మోహన్ నాయుడు లు మాట్లాడుతూ గ్రామంలో అనేక అభివృద్ధి పనులకు నిధులు వెచ్చిస్తూ గ్రామ అభివృద్ధికి పాటుపడుతున్న శ్రీనివాసుస్ ను అభినందించారు. ఈ కార్యక్రమంలో ఏఎంసీ చైర్మన్ జక్కం శ్రీమన్నారాయణ, అర్బన్ బ్యాంక్ చైర్మన్ వల వల నాని తెలుగుదేశం జనసేన బిజెపి నాయకులు కార్యకర్తలు గ్రామస్తులు పెద్ద ఎత్తున హాజరయ్యారు.

 రిపోర్టర్ ఇజ్రాయిల్ నరసాపురం పశ్చిమగోదావరి జిల్లా