రేపు సర్పంచ్, వార్డు సభ్యుల నామినేషన్ల పరిశీలన.ఉదయం 8 గంటల నుంచి సాయంత్రం 4.30 గంటల వరకు
రేణిగుంట మేజర్ న్యూస్ : సాధారణ గ్రామ పంచాయతీ ఎన్నికల్లో భాగంగా రేణిగుంట మండలంలోని సర్పంచ్, వార్డు సభ్యుల స్థానాలకు నామినేషన్ల స్వీకరణ ప్రక్రియ ఈ రోజు సాయంత్రం 5 గంటలకు ముగియునున్నది. ఎన్నికల కమిషన్ నోటిఫికేషన్ ప్రకారం రేపు బుధవారం నామినేషన్ల పరిశీలన (స్క్రూటినీ) నిర్వహించనున్నట్లు ఎన్నికల రిటర్నింగ్ అధికారి పత్రికా ప్రకటన ద్వారా తెలిపారు. నామినేషన్ల పరిశీలనకు సంబంధించి సమయాలను కేటాయించారు. సర్పంచ్ స్థానాలకు ఉదయం 8 నుంచి 9.30 గంటల వరకు, వార్డు సభ్యులు 1 నుంచి 5 వరకు ఉదయం 9.30 నుంచి 11 గంటల వరకు, 6 నుంచి 10 వార్డులకు ఉదయం 11 నుంచి మధ్యాహ్నం 12.30 గంటల వరకు, 11 నుంచి 15 వార్డులకు మధ్యాహ్నం 1.30 నుంచి 3 గంటల వరకు, 15 నుంచి 20 వార్డులకు మధ్యాహ్నం 3 నుంచి సాయంత్రం 4.30 గంటల వరకు పరిశీలన జరగనుంది. సంబంధిత సమయాల్లో ఆయా గ్రామ పంచాయతీలకు నామినేషన్లు దాఖలు చేసిన అభ్యర్థులను మాత్రమే లోపలికి అనుమతిస్తారు. కేటాయించిన సమయం ముగిసిన తర్వాత వచ్చే అభ్యర్థులకు అనుమతి ఉండదని అధికారులు స్పష్టం చేశారు. ఈ విషయంలో రిటర్నింగ్ అధికారి నిర్ణయమే తుది నిర్ణయంగా ఉంటుందని వెల్లడించారు.