సర్పంచ్ అభ్యర్థిగా ఫోటో స్టూడియో కిష్ట నామినేషన్ దాఖలు.
కుందుర్పి: గ్రామ పంచాయతీ ఎన్నికల నేపథ్యంలో కుందుర్పి గ్రామంలో ఎన్నికల సందడి నెలకొంది. సర్పంచ్ పదవికి పోటీ చేసేందుకు అభ్యర్థులు ఆసక్తి చూపుతుండగా, స్టూడియో కిష్ట సర్పంచ్ అభ్యర్థిగా నామినేషన్ దాఖలు చేశారు. ఈ మేరకు ఎన్నికల అధికారులకు తన నామినేషన్ పత్రాలను సమర్పించారు. గ్రామంలో ఎన్నికల వాతావరణం రోజురోజుకూ వేడెక్కుతున్న నేపథ్యంలో అభ్యర్థులు తమ నామినేషన్ల ప్రక్రియను వేగవంతం చేస్తున్నారు. సర్పంచ్ పదవిని దక్కించుకునేందుకు ఆశావహులు ప్రజల మద్దతు కూడగట్టే ప్రయత్నాలు చేస్తున్నారు. స్టూడియో కిష్ట నామినేషన్ దాఖలు చేయడంతో కుందుర్పి గ్రామ పంచాయతీ ఎన్నికలపై స్థానికంగా ఆసక్తి నెలకొంది. రానున్న రోజుల్లో ఎన్నికల ప్రచారం మరింత ఊపందుకోనుంది.
కుందుర్పి రిపోర్టర్ రాజు