telangana
సీపీస్ రద్దు చేసి ఒపీస్ పునరుద్ధరించాలి
సూర్య జైనూర్ : కాంట్రిబ్యూటరీ పెన్షన్ స్కీమ్ (సీపీస్ ) విధానాన్ని రద్దు చేసి, పాత పెన్షన్ విధానం (ఒపీస్ )ను పునరుద్ధరించాలని కోరుతూ జైనూర్ మండల ఉపాధ్యాయులు మంగళవారం మండల తహసీల్దార్కు వినతిపత్రం అందజేశారు. ఉద్యోగుల పదవీ విరమణ అనంతర జీవితానికి ఆర్థిక భద్రత కల్పించాలంటే పాత పెన్షన్ విధానాన్ని తిరిగి అమలు చేయాలని ప్రభుత్వాన్ని కోరారు.ఈ కార్యక్రమంలో జైనూర్ మండల విద్యాశాఖ అధికారి జాధవ్ మధుకర్, సీపీస్ ఎంప్లాయీస్ యూనియన్ రాష్ట్ర కార్యదర్శి జాధవ్ శ్రీకాంత్తో పాటు ఉపాధ్యాయులు చవాన్ గోపాల్, కోరేంగా వామన్, చవాన్ దేవు, రాథోడ్ రోహిదాస్, రాథోడ్ రవీందర్, ఆడే సుజాత, బానోత్ కైలాష్, గందం సత్యనారాయణ, రాంజీ, ఇశ్రు, రాథోడ్ మహేందర్ నాయక్ తదితరులు పాల్గొన్నారు. ఈ సందర్భంగా ఉపాధ్యాయులు మాట్లాడుతూ సీపీస్ విధానం ఉద్యోగుల భవిష్యత్తుకు భరోసా కల్పించడం లేదని, ఒపీస్ పునరుద్ధరణ కోసం ఐక్యంగా పోరాటం కొనసాగిస్తామని తెలిపారు.