రేపల్లెలో నేడు సీఎం చంద్రబాబు పర్యటన

రేపల్లె: ఆంధ్రప్రదేశ్ ముఖ్యమంత్రి నారా చంద్రబాబు నాయుడు నేడు బాపట్ల జిల్లా రేపల్లెలో పర్యటించనున్నారు. ‘పేదల సేవలో ఎన్టీఆర్ భరోసా’ కార్యక్రమంలో భాగంగా సామాజిక భద్రతా పింఛన్ల పంపిణీ కార్యక్రమంలో సీఎం పాల్గొంటారు. 

పింఛన్‌ లబ్ధిదారుల ఇళ్లకు స్వయంగా వెళ్లి చంద్రబాబు పింఛన్‌ నగదును అందజేయనున్నారు. అనంతరం రేపల్లెలో ఏర్పాటు చేసిన బహిరంగ సభలో ప్రజలనుద్దేశించి ప్రసంగించనున్నారు. సీఎం పర్యటన నేపథ్యంలో అధికారులు విస్తృత ఏర్పాట్లు చేపట్టారు. 

అక్టోబర్‌ నెలకు రాష్ట్రవ్యాప్తంగా 61.80 లక్షల మంది లబ్ధిదారులకు రూ.2,692 కోట్లకుపైగా పింఛన్ల కోసం ప్రభుత్వం నిధులు విడుదల చేసింది.