రైతుల.... ఆవేదన

 పెదకాకాని  న్యూస్. నవంబర్ నెలలో వరుస తుఫానులతో రైతాంగం కుదేలవుతుంది. చేతికొచ్చిన పంట నీటపాలవటంతో రైతులు ఆవేదన వ్యక్తం చేస్తున్నారు. ఇంటి బంగారం తాకట్టు పెట్టి, అప్పులు చేసి, పెట్టుబడులు పెట్టి పంట కోసం ఎదురు చూసే సమయంలో ప్రకృతి తుఫాన్ రూపంలో విలయతాండవం చేయడంతో, రైతాంగం దిక్కుతోచని స్థితిలో ఉండిపోయింది. ఈ సంవత్సరం ఖరీఫ్లో సమయానికి వర్షాలు పడక రైతులు ఖరీఫ్ సీజన్ మించిపోతున్న సమయంలో మినుము సాగు చేశారు. ముఖ్యంగా పెదకాకాని మండలంలో 200 ఎకరాలలో రైతులు సాగుచేసిన మినుము పంట సరిగ్గా ఏపుగా కళ్ళ మీద ఉన్న సమయంలో వరుస తుఫాన్లు  ముట్టడించడంతో మినుము పంట ఊరకేతింది. కళ్ళే మొత్తం రాలిపోయి  మూడుగా మారింది ఇప్పటికే రైతులు ఒక్కో ఎకరానికి 40 వేల వరకు  ఖర్చు పెట్టారు. బంగారం తాకట్టుపెట్టి, అప్పులు చేసి సాగు చేసిన పంట నీట ములగడంతో రైతులు కన్నీరు మున్నీరవుతున్నారు. ఎర్రబడిన మిరప నారు తిరిగి సాగు అవటం కోసం, కీటక నాసిని మందులతో పాటు, మందు కట్టలతో కలిపి పెట్టుబడి రెట్టింపు అవుతుందని రైతులు పేర్కొంటున్నారు. మండలం సాగైనా పత్తి పంటలో కూడా వర్షపు ధాటికి  నీరు నిల్వ ఉండటంతో పత్తి పొలాలు ఎర్రబాయి. ప్రజా ప్రతినిధులు ప్రభుత్వ అధికారులు స్పందించి, తక్షణం పంట పొలాల నష్టాన్ని సర్వే చేసి రైతులకు అందించాలని, రైతులను ఆదుకోవడానికి ప్రభుత్వం ముందుకు రావాలని పెదకాకాని మండల రైతులు కోరుతున్నారు. వరుస తుఫానుల కారణంగా కురిసిన భారీ వర్షాలతో పెదకాకానిలోని రజకచెరువు, మురుగు చెరువు కట్టలు తెగిపోయి మంచినీటి చెరువులో కలిసిపోయాయి. అధికారులు స్పందించి పెద్దకాకాని ప్రజలకు తాగునీటి సమస్య తలెత్తకుండా తక్షణ చర్యలు తీసుకోవాలని స్థానికులు కోరుతున్నారు.