వైద్య చికిత్సకు రూ.2 లక్షల ఎల్‌ఓసీ చెక్కు అందజేత

న్యాల్కల్ ;అనారోగ్యంతో బాధపడుతూ ఆసుపత్రిలో చికిత్స పొందుతున్న నిరుపేద కుటుంబాలకు ముఖ్యమంత్రి సహాయ నిధి అండగా నిలుస్తోంది. ఈ క్రమంలో న్యాల్కల్ మండలం మంగి గ్రామానికి చెందిన బోగ రాములు వైద్య చికిత్స ఖర్చుల నిమిత్తం మంజూరైన రూ.2 లక్షల ఎల్‌ఓసీ (లెటర్ ఆఫ్ క్రెడిట్) చెక్కును జహీరాబాద్ ఎమ్మెల్యే కొనింటి మాణిక్ రావు లబ్ధిదారుడికి అందజేశారు.ఆసుపత్రుల్లో ఖరీదైన వైద్య చికిత్సలు చేయించుకునే ఆర్థిక స్థోమత లేని పేద కుటుంబాలకు ప్రభుత్వ ఆర్థిక సహాయం ఎంతో ఉపయోగకరంగా ఉంటుందని ఈ సందర్భంగా పేర్కొన్నారు. అర్హులైన బాధితులకు ప్రభుత్వ సహాయ పథకాల ద్వారా వైద్య సేవలు అందేలా కృషి చేస్తామని తెలిపారు.ఈ కార్యక్రమంలో మాజీ ఆత్మ చైర్మన్ విజయ్ కుమార్, మాజీ మండల పార్టీ అధ్యక్షుడు నరసింహారెడ్డి, మాజీ సర్పంచులు మల్‌రెడ్డి, అమీర్ తదితరులు పాల్గొన్నారు.