పదోతరగతివిద్యార్థులకు ఉచితంగా అన్ని అంశాల చదువు పుస్తకాల పంపిణీ

మిర్యాలగూడ,మేజర్ న్యూస్:

మజ్లిస్ పార్టీ జాతీయ అధ్యక్షుడు, న్యాయవాది అసదుద్దీన్ ఒవైసీ ఆదేశాల మేరకు మిర్యాలగూడ నియోజకవర్గంలోని ప్రభుత్వ మైనారిటీ పాఠశాలల్లో పదో తరగతి విద్యార్థులకు ఉచితంగా అన్ని అంశాలతో కూడిన చదువు పుస్తకాలను పంపిణీ చేశారు.మిల్లత్ విద్యా విభాగం తరపున ఈ కార్యక్రమాన్ని చేపట్టారు. ఈ పుస్తకాల పంపిణీ కార్యక్రమాన్ని మజ్లిస్ పార్టీ నల్గొండ జిల్లా సంయుక్త కార్యదర్శి, మిర్యాలగూడ పట్టణ అధ్యక్షుడు సయ్యద్ ఫరూక్ ఆధ్వర్యంలో ఘనంగా నిర్వహించారు.
ఈ సందర్భంగా సయ్యద్ ఫరూక్ మాట్లాడుతూ పేద  మైనారిటీ విద్యార్థులు ఆర్థిక ఇబ్బందుల వల్ల చదువుకు దూరం కాకూడదనే ఉద్దేశంతో, రాబోయే బోర్డు పరీక్షల్లో వారు ఉత్తమ ఫలితాలు సాధించేందుకు తమ పక్ష అధ్యక్షుడు అసదుద్దీన్ ఒవైసీ మార్గదర్శకత్వంలో ఈ ఉచిత పుస్తకాల పంపిణీ కార్యక్రమం చేపట్టినట్లు తెలిపారు.ప్రభుత్వ, మైనారిటీ పాఠశాలల్లోని విద్యార్థులు ఈ అవకాశాన్ని సద్వినియోగం చేసుకుని ఉన్నత శిఖరాలను అధిరోహించాలని ఆయన ఆకాంక్షించారు.ఈ కార్యక్రమంలో మొసిన్, మజ్లిస్ పార్టీ స్థానిక నాయకులు, కార్యకర్తలు, పాఠశాలల ప్రధానోపాధ్యాయులు, ఉపాధ్యాయ బృందంవిద్యార్థులు పాల్గొన్నారు.