దుండిగల్‌లో దారుణం: యువతిపై కాళ్లు, చేతులు కట్టేసి దారుణంగా అత్యాచారం

హైదరాబాద్:దుండిగల్ పోలీస్ స్టేషన్ పరిధిలో తీవ్ర కలకలం రేపిన దారుణ ఘటన వెలుగులోకి వచ్చింది. ఒంటరిగా ఉన్న ఒక యువతిని నిందితుడు బలవంతంగా గదిలోకి లాకెళ్లి, ఆమె కాళ్లు మరియు చేతులు కట్టేసి దారుణంగా లైంగిక దాడికి ఒడిగట్టాడు. ఈ దారుణాన్ని బాధితురాలు తీవ్రంగా ప్రతిఘటించడంతో, పగిలిన బాటిల్‌తో పొడిచి చంపేస్తానని నిందితుడు ఆమెను బెదిరింపులకు గురిచేశాడు. ఈ క్రమంలో యువతి మేనత్త గమనించి గట్టిగా కేకలు వేయడంతో భయపడిన నిందితుడు అక్కడి నుంచి పరారయ్యేందుకు యత్నించాడు. మేనత్త కేకలు విన్న స్థానికులు వెంటనే అప్రమత్తమై పారిపోతున్న నిందితుడిని వెంటాడి పట్టుకుని పోలీసులకు అప్పగించారు. బాధితురాలి కుటుంబ సభ్యులు ఇచ్చిన ఫిర్యాదు మేరకు దుండిగల్ పోలీసులు కేసు నమోదు చేసి దర్యాప్తు చేస్తున్నారు.