నవపూర్ అడ్వాన్స్‌డ్ సైన్సెస్ పరిశ్రమలో ప్రమాదం
– కార్మికుడికి గాయాలు
పరవాడ, నవంబర్ 06, మేజర్ న్యూస్: పరవాడ పోలీస్ స్టేషన్ పరిధిలోని నవపూర్ అడ్వాన్స్‌డ్ సైన్సెస్ పాలిమర్ కెమికల్ పరిశ్రమలో గురువారం మధ్యాహ్నం సుమారు 3 గంటల సమయంలో ప్రమాదం చోటుచేసుకుంది. ఈ ప్రమాదంపై శుక్రవారం పోలీస్ కేసు నమోదయింది.పరిశ్రమలోని ప్రొడక్షన్ బ్లాక్లో రియాక్టర్ నంబర్ వద్ద విధులు నిర్వహిస్తున్న కాంట్రాక్ట్ హెల్పర్ ఎల్లపు రాము (48), తండ్రి చిన్నబ్బాయి రెడ్డి, మరొక మండలం పాటిపల్లి గ్రామానికి చెందినవాడు. రోజులాగే గురువారం, పనిచేస్తున్న సమయంలో రియాక్టర్ నుంచి ఆవిరి/ద్రవ పదార్థం లీకై చిందడంతో అతని వీపు, రెండు చేతులు మరియు కాలికి, కంటికి కాలిన గాయాలయ్యాయి.
వెంటనే అతడిని చికిత్స నిమిత్తం కుర్మన్నపాలెంలోని 4-ఎస్ ఆసుపత్రికి తరలించారు. అనంతరం మెరుగైన వైద్యం కోసం అపోలో ఆసుపత్రికి తరలించి చికిత్స అందిస్తున్నారు.ప్రస్తుతం బాధితుడి ఆరోగ్య పరిస్థితి నిలకడగా ఉన్నట్లు వైద్యులు తెలిపారు. బాధితుని ఫిర్యాదు మేరకుకేసు నమోదు చేసి దర్యాప్తు చేస్తున్నామని సి ఐ భాస్కర రావు తెలిపారు.
