నీటి సరఫరా, పారిశుద్ధ్యంపై క్షేత్రస్థాయి పరిశీలన

తుర్కపల్లి:  మేజర్ న్యూస్

జాతీయ మానవ హక్కుల కమిషన్  ప్రత్యేక పర్యవేక్షకులు డాక్టర్ అనిమేష్ భట్టాచార్య తుర్కపల్లి మండల కేంద్రంలోని గ్రామపంచాయతీ పరిధిలో శుక్రవారం క్షేత్రస్థాయి పర్యటన నిర్వహించారు. నీటి సరఫరా, పారిశుద్ధ్యం, పరిశుభ్రతకు సంబంధించిన పరిస్థితులను క్షేత్రస్థాయిలో పరిశీలించారు.
ఈ సందర్భంగా గ్రామంలో ప్రతి ఇంటికి అందుతున్న తాగునీటి సరఫరా తీరును ప్రజలను  నేరుగా అడిగి తెలుసుకున్నారు. అంగన్‌వాడీ కేంద్రం, ప్రభుత్వ పాఠశాలను సందర్శించి అక్కడ విద్యార్థులకు, చిన్నారులకు అందుతున్న తాగునీటి సౌకర్యాలను పరిశీలించారు. నీటి సరఫరా, పారిశుద్ధ్య నిర్వహణ, పరిశుభ్రతకు సంబంధించిన అంశాలపై ప్రజలతో నేరుగా మాట్లాడి వివరాలు సేకరించారు.
ఈ కార్యక్రమంలో గ్రామ సర్పంచ్ సోముల వెంకటేశం, జిల్లా సంబంధిత అధికారులు ,మండల పంచాయతీ అధికారి వెంకటేశ్వర్లు , మండల విద్యాధికారి మంజుషా రాణి ,మండల వైద్య అధికారి రుచిరా రెడ్డి , విద్యాశాఖల అధికారులు,మిషన్ భగీరథ గ్రిడ్, ఇంట్రా విభాగాల సహాయ ఇంజినీర్లు, డీఈ ప్రశాంత్ రెడ్డి ,ఈఈలు అనంత్ ,శ్రీజ  ఉప సర్పంచ్ పల్లె నరేష్ గౌడ్ ,వార్డు మెంబర్లు ,పంచాయతీ కార్యదర్శి ధార మహేందర్ , గ్రామపంచాయతీ సిబ్బంది పాల్గొన్నారు.