జిల్లాలోని ప్రముఖ దేవాలయాలను దర్శించుకున్న

ఆర్టీఐ కమీషనర్ పి. యస్. నాయుడు

శ్రీకాకుళం,నవంబరు,6 మేజర్ న్యూస్: జిల్లాలో గల ప్రముఖ దేవాలయాలను రాష్ట్ర సమాచార హక్కు చట్టం కమీషనర్ పి.యస్. నాయుడు కుటుంబ సభ్యులతో శుక్రవారం దర్శించుకున్నారు. ముందుగా ఉమారుద్ర కోటీశ్వరాలయాన్ని దర్శించుకుని అక్కడ వేద పండితుల ఆశీర్వచనాలను అందుకున్నారు. అక్కడ నుండి అరసవల్లి శ్రీ సూర్యనారాయణ స్వామివారి దేవాలయంనకు చేరుకోగా అక్కడ ఆలయ సిబ్బంది ఘన స్వాగతం పలికారు. అనంతరం శ్రీ సూర్యనారాయణ స్వామివారిని దర్శించుకొని వేద పండితుల ఆశీర్వచనాలను అందుకున్నారు. అనంతరం ఆయన మాట్లాడుతూ శ్రీ సూర్యనారాయణ స్వామిని దర్శించుకోవడం పునర్జన్మ సుకృతంగా భావిస్తున్నానన్నారు. కుటుంబ సభ్యులతో  స్వామిని దర్శించుకున్నట్లు పేర్కొన్నారు. శ్రీ సూర్యనారాయణ స్వామి వారిని దర్శించుకోవడం చాలా సంతోషంగా ఉందన్నారు.  అక్కడ నుండి శ్రీముఖలింగం చేరుకొని శ్రీముఖలింగేశ్వర స్వామివారిని దర్శించుకున్నారు. అక్కడ నుండి రావివలసలో గల ఎండల మళ్లిఖార్జన స్వామి వారిని, శ్రీకూర్మంలో గల శ్రీ కూర్మనాధ స్వామి వారిని దర్శించుకున్నారు.