ఏఎన్ఆర్ఎఫ్ పెయిర్ హబ్ బృందం పర్యటన
ఎడ్యుకేషన్ స్టాఫ్ రిపోర్టర్ : అనుసంధాన్ నేషనల్ రీసెర్చ్ ఫౌండేషన్ ఆధ్వర్యంలో నిర్వహిస్తున్న ఏఎన్ఆర్ఎఫ్ పెయిర్ హబ్ కార్యక్రమంలో భాగంగా ఎస్వీయూ కొనసాగుతున్న పరిశోధనా కార్యక్రమాల పురోగతిని సమీక్షించేందుకు హైదరాబాద్ వర్సిటీకి చెందిన ఏఎన్ఆర్ఎఫ్ హబ్ బృందం వర్సిటీలో రెండు రోజుల పాటు పర్యటించింది. ఇందులో భాగంగా సెంట్రల్ ఫెసిలిటీ, అడ్వాన్స్డ్ సెల్ కల్చర్ ఫెసిలిటీ, మెకానికల్ ఇంజినీరింగ్ ప్రయోగశాల, కెమిస్ట్రీ ప్రయోగశాలలను సందర్శించి, పరిశోధనా మౌలిక వసతులు, ఆధునిక పరికరాలు, సాంకేతిక సదుపాయాలు వాటి వినియోగాన్ని పరిశీలించింది. ఈ సందర్భంగా పరిశోధక విద్యార్థులు, అధ్యాపకులు, పరిశోధనా బృందం సభ్యులు సాంకేతిక సిబ్బందితో ముఖాముఖి చర్చలు జరిపి పరిశోధనల అమలవుతున్న తీరు, పురోగతి ఎదురవుతున్న సవాళ్లను తెలుసుకున్నారు. ఈ పర్యటనలో హైదరాబాద్ విశ్వవిద్యాలయం ఏఎన్ఆర్ఎఫ్ ప్రాజెక్ట్ డైరెక్టర్ ప్రొఫెసర్ బ్రహ్మానందం మానవతి, కో-ప్రాజెక్ట్ డైరెక్టర్ ప్రొఫేసర్ సిబా కె ఉద్గత, రీసెర్చ్ అండ్ డెవలప్మెంట్ డైరెక్టర్ ప్రొఫెసర్ సమ్రత్ ఎల్ సబత్, ఎస్వీయూ రెక్టార్ చండ్రాయుడు, రిజిస్ట్రార్ భూపతినాయుడు, ప్రిన్సిపల్ ఇన్వెస్టిగేటర్ ప్రొఫెసర్ ఎం.బాలాజీ, అధ్యాపకులు పాల్గొన్నారు.
సీఎం గౌడ్ తిరుపతి స్టాప్ రిపోర్టర్
