బాణసంచా దుకాణాలకు అనుమతులు తప్పనిసరి ఎస్సై ఏడుకొండలు

బాణ సంచా దుకాణాలకు అనుమతి తప్పనిసరి.యస్. ఐ ఏడుకొండలు.

సూర్య న్యూస్ దర్శి. మండల ప్రజలకు ముందస్తు దీపావళి పండుగ శుభాకాంక్షలు ను ఎస్. ఐ జి. ఏడుకొండలు తెలిపారు. ఈ సందర్భంగా ఆయన మాట్లాడుతూ దీపావళి పండుగ ఎలాంటి అవాంఛనీయ సంఘటనలకు తావు లేకుండా తగిన జాగ్రత్తలు పాటిస్తూ ప్రశాంత వాతావరణంలో ఆనందోత్సవాలతో  జరుపుకోవాలని ఆయన సూచించారు. బాణసంచా విక్రయదారులు సంబంధిత శాఖ అధికారుల నుంచి ముందస్తు అనుమతులు పొందిన తరువాత దుకాణాలు ఏర్పాటు చేయాలని స్పష్టం చేశారు. దుకాణాల వద్ద అగ్ని ప్రమాదాలు జరగకుండా తగిన భద్రతా ఏర్పాటు తప్పనిసరిగా చేసుకోవాలని సూచించారు. అనుమతులు లేకుండా బాణసంచా దుకాణాలు ఏర్పాటు చేస్తే చట్టపరమైన చర్యలు తీసుకుంటామని ఎస్సై ఏడుకొండలు హెచ్చరించారు.