పరవాడ పోలీస్ స్టేషన్ ను పరిశీలించిన విశాఖ రేంజ్ ఐజీ గోపీనాథ్ జట్టి

పరవాడ ,నవంబర్ 1, మేజర్ న్యూస్:

స్థానిక పోలీస్ స్టేషన్‌ను  ఆకస్మికంగా పరిశీలించిన విశాఖ రేంజ్ ఐజీ  గోపీనాథ్ జట్టి. 
 స్టేషన్లో విధుల్లో ఉన్న పోలీస్ అధికారులు, సిబ్బందికి ఐజీ  పలు కీలక ఆదేశాలు జారీ చేశారు. ఎంపీటీసీ, జడ్పిటిసి ,సర్పంచ్ ఎన్నికల సందర్భంగా గ్రామాల్లో ​సమస్యాత్మక పోలింగ్ కేంద్రాల వద్ద నిరంతరం అప్రమత్తంగా ఉంటూ శాంతిభద్రతలకు ఎలాంటి విఘాతం కలగకుండా కట్టుదిట్టమైన భద్రత కల్పించాలని సూచించారు. 
​ఓటర్లు ప్రశాంతంగా, నిర్భయంగా తమ ఓటు హక్కును వినియోగించుకునేలా తగిన రక్షణ ఏర్పాట్లు చేయాలని,​వృద్ధులు, దివ్యాంగులకు ఎలాంటి ఇబ్బందులు కలగకుండా తగిన సహాయక చర్యలు అందించాలని సూచించారు. 
​ఎన్నికల నియమావళిని ఉల్లంఘించే వారిపై కఠినంగా వ్యవహరించాలని స్పష్టం చేశారు.​మండలంలో శాంతిభద్ర పరిస్థితి ని ఐజి కి సిఐ భాస్కరరావు వివరించారు.