ఢిల్లీ సభకు హాజరైన నిర్మలా జగ్గారెడ్డి, సంగారెడ్డి నియోజకవర్గ కాంగ్రెస్ శ్రేణులు

సంగారెడ్డి;ఢిల్లీలోని రామ్‌లీలా మైదాన్‌లో కాంగ్రెస్ అగ్రనేత రాహుల్ గాంధీ పాల్గొన్న సభను సంగారెడ్డిలోనూ ప్రజలు, కాంగ్రెస్ నాయకులు, కార్యకర్తలు వీక్షించేలా ప్రత్యేక ఏర్పాట్లు చేశారు. సంగారెడ్డి అంబేద్కర్ చౌక్ వద్ద కాంగ్రెస్ పార్టీ సీనియర్ నాయకుడు పిసిసి వర్కింగ్ ప్రెసిడెంట్ జగ్గారెడ్డి ఆధ్వర్యంలో భారీ ఎల్‌ఈడీ తెరలను ఏర్పాటు చేసి సభను ప్రత్యక్ష ప్రసారం చేశారు.ఈ సందర్భంగా జగ్గారెడ్డి ప్రజలు, కాంగ్రెస్ నాయకులు, కార్యకర్తలతో కలిసి ఎల్‌ఈడీ తెరలపై రాహుల్ గాంధీ ప్రసంగాన్ని వీక్షించారు. ఢిల్లీలో జరుగుతున్న సభకు సంగారెడ్డిలోని కాంగ్రెస్ శ్రేణులు కూడా అనుసంధానమయ్యేలా ప్రత్యక్ష ప్రసార ఏర్పాట్లు చేయడం విశేషం.మరోవైపు నిర్మలా జగ్గారెడ్డితో పాటు సంగారెడ్డి నియోజకవర్గానికి చెందిన పలువురు కాంగ్రెస్ నాయకులు, కార్యకర్తలు ఢిల్లీలోని రామ్‌లీలా మైదాన్‌లో జరిగిన సభకు నేరుగా హాజరయ్యారు. ఢిల్లీ సభలో కాంగ్రెస్ శ్రేణుల భాగస్వామ్యం, సంగారెడ్డిలో ప్రత్యక్ష ప్రసార ఏర్పాట్లతో పార్టీ నాయకులు, కార్యకర్తల్లో ఉత్సాహం నెలకొంది.