మహా పాదయాత్రని విజయవంతం చేయాలి

మహా పాదయాత్రని విజయవంతం చేయాలి

రంగారెడ్డి జిల్లా బిజెపి మీడియా కన్వీనర్ సాద మల్లారెడ్డి

కందుకూరు : తెలంగాణలో ప్రజాస్వామ్య విలువల పరిరక్షణ, కాంగ్రెస్ ప్రభుత్వ ప్రజావ్యతిరేక విధానాలు, అరాచక రాజకీయాలకు వ్యతిరేకంగా భారతీయ జనతా పార్టీ ఆధ్వర్యంలో మహా పాదయాత్ర నిర్వహించనున్నట్లు బీజేపీ రంగారెడ్డి జిల్లా మీడియా కన్వీనర్, కొత్తగూడ మాజీ సర్పంచ్ సాధ మల్లారెడ్డి తెలిపారు.
బీజేపీ రాష్ట్ర అధ్యక్షుడు ఎన్. రామచందర్ రావు ఆధ్వర్యంలో రేపటి  మధ్యాహ్నం 3 గంటలకు ఈ పాదయాత్ర ప్రారంభం కానుందని పేర్కొన్నారు. కేంద్ర హోంశాఖ మంత్రి అమిత్ షా ముఖ్య అతిథిగా పాల్గొననున్నారని తెలిపారు.
హైదరాబాద్‌లోని నిజాం కాలేజ్ ఎదురుగా ఉన్న బాబు జగ్జీవన్ రామ్ విగ్రహం నుంచి మొజాంజాహీ మార్కెట్ ఎక్స్ రోడ్స్ వరకు పాదయాత్ర కొనసాగుతుందని వెల్లడించారు. ప్రజాస్వామ్య పరిరక్షణే లక్ష్యంగా నిర్వహిస్తున్న ఈ కార్యక్రమంలో బీజేపీ నాయకులు, కార్యకర్తలు, ప్రజలు పెద్ద సంఖ్యలో పాల్గొని విజయవంతం చేయాలని సాధ మల్లారెడ్డి పిలుపునిచ్చారు.

టి. శ్రీనివాస్, మేజర్ న్యూస్