కొడుకు పుట్టినరోజు వేడుకల్లో సేవా కార్యక్రమం.. బాల బాలికలకు సైకిళ్ల పంపిణీ

కంది;తన కుమారుడి పుట్టినరోజును పురస్కరించుకొని కాశీపూర్ గ్రామ సర్పంచ్ కృష్ణ గౌడ్ వినూత్న సేవా కార్యక్రమానికి శ్రీకారం చుట్టారు. ఈ సందర్భంగా గ్రామంలోని బాల బాలికలకు సైకిళ్లను పంపిణీ చేశారు. బాలికల విద్యాభివృద్ధికి, వారి ప్రయాణ సౌకర్యానికి తోడ్పడాలనే ఉద్దేశంతో ఈ కార్యక్రమాన్ని చేపట్టినట్లు తెలిపారు. విడతల వారీగా గ్రామంలోని విద్యార్థిని విద్యార్థులకు సైకిళ్ళ పంపిణీ చేపడతామని తెలిపారు.పుట్టినరోజు వేడుకలను సేవా కార్యక్రమంతో జరుపుకోవడం పట్ల గ్రామస్తులు హర్షం వ్యక్తం చేశారు. ఈ కార్యక్రమం ఇతరులకు కూడా ఆదర్శంగా నిలుస్తుందని పలువురు అభిప్రాయపడ్డారు.