పలమనేరు వివాహ రిసెప్షన్కు హాజరైన పెద్దిరెడ్డి, ఎంపీ మిథున్ రెడ్డి
పలమనేరు మేజర్ న్యూస్ పలమనేరు పట్టణంలోని వెంకట సాయి కళ్యాణ మండపంలో నిర్వహించిన వివాహ రిసెప్షన్ వేడుకకు మాజీ మంత్రి, ఎమ్మెల్యే పెద్దిరెడ్డి రామచంద్రారెడ్డి, రాజంపేట పార్లమెంట్ సభ్యులు పి.వి. మిథున్ రెడ్డి, జిల్లా వైఎస్సార్సీపీ అధ్యక్షులు డాక్టర్ ఎన్. వెంకటే గౌడ హాజరయ్యారు. ఈ సందర్భంగా వివాహ వేడుకలో పాల్గొని నూతన వధూవరులను ఆప్యాయంగా పలకరించి, పుష్పగుచ్ఛాలు అందజేసి శుభాకాంక్షలు తెలిపారు. నూతన దంపతులు సుఖసంతోషాలతో, ఆయురారోగ్యాలతో కలకాలం కలిసి జీవించాలని ఆకాంక్షిస్తూ ఆశీర్వదించారు. ఈ కార్యక్రమంలో కుటుంబ సభ్యులు, బంధుమిత్రులు, స్థానిక నాయకులు, వైఎస్సార్సీపీ కార్యకర్తలు పాల్గొన్నారు
రిపోర్టర్ అనిల్ కుమార్ యాదవ్