ఒకే వ్యక్తి రెండు పార్టీల తరపున నామినేషన్ పై అభ్యంతరం

మక్కువ, అక్టోబర్ 24, (మేజర్ న్యూస్):
ఒకే వ్యక్తి రెండు పార్టీల తరఫున ఎంపీటీసీ అభ్యర్థిగా నామినేషన్ వేయడం పై మన్యం జిల్లా మక్కువ మండలం లో అభ్యంతరం వ్యక్తం అయింది. వివరాల్లోకెళ్తే.. మండలంలో కాశీపట్నం ఎంపీటీసీ జనరలకు కేటాయించారు. ఈ నేపథ్యంలో అదే సెగ్మెంట్ పరిధిలోగల కొండరేజేరు గ్రామం నుండి చందాన అప్పల అజయ్ కుమార్ జనసేన పార్టీ తరఫున, బహుజన సమావాది పార్టీ తరఫున రెండు నామినేషన్లు దాఖలు చేశారు. దీనిపై అదే సెగ్మెంట్లో ఎంపీటీసీ స్థానానికి నామినేషన్ దాఖలు చేసిన కోట శంకర నాయుడు అభ్యంతరం తెలిపారు. దీనిపై ఎన్నికల అధికారులు పై అధికారులు సంప్రదించి నిర్ణయం తీసుకోవడం జరుగుతుందని తెలిపినట్టు తెలిసింది.

టి.తిరుపతిరావు, మన్యం జిల్లా, మక్కవ