ఓ వైపు జోరువాన.. మరోవైపు కోటంరెడ్డి ప్రచార హోరు!

నెల్లూరు రూరల్, మేజర్ న్యూస్  :    తుఫాను హెచ్చరికల నేపథ్యంలో జోరుగా వర్షం కురుస్తున్నప్పటికీ, ఎన్నికల ప్రచారంలో మాత్రం రాజకీయ వేడి తగ్గలేదు. నెల్లూరు రూరల్ నియోజకవర్గంలోని సౌత్ మోపూరులో రూరల్ ఎమ్మెల్యే కోటంరెడ్డి శ్రీధర్ రెడ్డి తన చిన్న కుమార్తె కోటంరెడ్డి సాయి వైష్ణవితో కలిసి విస్తృతంగా ప్రచారం నిర్వహించారు.  వర్షాన్ని సైతం లెక్కచేయకుండా ప్రజల వద్దకు వెళ్లిన వారు, రాబోయే ఎంపీటీసీ, జడ్పీటీసీ ఎన్నికల్లో టీడీపీ అభ్యర్థులను భారీ మెజార్టీతో గెలిపించాలని ఓటర్లను కోరారు. వర్షంలోనూ సాగిన ఈ ప్రచారానికి స్థానిక ప్రజల నుంచి మంచి స్పందన లభించినట్లు పార్టీ వర్గాలు తెలిపాయి. ప్రతికూల వాతావరణంలోనూ ప్రచారాన్ని కొనసాగించడం స్థానికంగా చర్చనీయాంశమైంది.