నవంబర్ 30న తుది ఓటర్ల జాబితా ప్రచురణకు సిద్ధం కావాలి - రాష్ట్ర ప్రధాన ఎన్నికల అధికారి సుదర్శన్ రెడ్డి

సూర్య - పెద్దపల్లి : ఎస్‌ఐఆర్‌-2026 ఓటర్ల జాబితా సవరణ ప్రక్రియను ఎన్నికల సంఘం నిబంధనల ప్రకారం పారదర్శకంగా పూర్తి చేయాలని రాష్ట్ర ప్రధాన ఎన్నికల అధికారి సి. సుదర్శన్ రెడ్డి ఆదేశించారు. సోమవారం నిర్వహించిన వీడియో కాన్ఫరెన్స్‌లో జిల్లా కలెక్టర్లతో ప్రక్రియ పురోగతిని సమీక్షించారు.

ఈ సందర్భంగా ఆయన మాట్లాడుతూ ఏఎస్‌డీ, ఓటర్ల తొలగింపు జాబితాలను క్షుణ్ణంగా పరిశీలించాలని, సరైన ఆధారాలు లేకుండా అర్హులైన ఓటర్ల పేర్లు తొలగించరాదన్నారు. ఫారం-6, 7, 8 దరఖాస్తులను నిర్ణీత గడువులోగా పరిష్కరించాలని, ప్రతి తొలగింపు, మార్పునకు కారణాలతో కూడిన స్పీకింగ్ ఆర్డర్లు జారీ చేయాలని సూచించారు. నవంబర్ 26లోగా విచారణలు, అభ్యంతరాల పరిష్కారం పూర్తి చేసి, నవంబర్ 30న తుది ఓటర్ల జాబితా ప్రచురణకు సిద్ధం కావాలని ఆదేశించారు.ఈ వీడియో కాన్ఫరెన్స్‌లో కలెక్టర్ కోయ శ్రీహర్ష, అదనపు కలెక్టర్లు బి. శ్రీరాములు, అరుణశ్రీ, ఆర్డీఓలు గంగయ్య, సురేష్, డిప్యూటీ కలెక్టర్ వనజ ఇతర అధికారులు పాల్గొన్నారు.