నూతన వధూవరులను ఆశీర్వదించిన ఎమ్మెల్యే అమిలినేని.

**బ్రహ్మసముద్రం:** మండల కేంద్రానికి చెందిన తెలుగుదేశం పార్టీ నాయకుడు తలారి పరమేశ్వరప్ప కుటుంబంలో జరిగిన వివాహ వేడుకకు కళ్యాణదుర్గం ఎమ్మెల్యే అమిలినేని సురేంద్రబాబు హాజరై సందడి చేశారు. పరమేశ్వరప్ప కుమార్తె పూజ, తిప్పేస్వామి వివాహం అనంతరం నిర్వహించిన రిసెప్షన్ కార్యక్రమానికి ఆయన ప్రత్యేకంగా హాజరై నూతన వధూవరులను ఆశీర్వదించారు. ఈ సందర్భంగా ఎమ్మెల్యే అమిలినేని సురేంద్రబాబు నూతన దంపతులు పూజ, తిప్పేస్వామిలను ఆప్యాయంగా పలకరించి, పుష్పగుచ్ఛం అందజేసి వివాహ శుభాకాంక్షలు తెలిపారు. నూతన జీవితంలో అడుగుపెట్టిన దంపతులు పరస్పర అవగాహన, ప్రేమానురాగాలు, అన్యోన్యతతో జీవితాన్ని కొనసాగించాలని ఆకాంక్షించారు. సుఖసంతోషాలు, ఆయురారోగ్యాలు, అష్టైశ్వర్యాలతో నిండు నూరేళ్లు కలిసిమెలిసి జీవించాలని మనస్ఫూర్తిగా ఆశీర్వదించారు. వివాహ రిసెప్షన్‌కు హాజరైన ఎమ్మెల్యేను చూసి కుటుంబ సభ్యులు, బంధుమిత్రులు ఆనందం వ్యక్తం చేశారు. ఈ సందర్భంగా ఎమ్మెల్యే కుటుంబ సభ్యులతో పాటు వివాహ వేడుకకు విచ్చేసిన బంధువులు, స్నేహితులు, స్థానిక నాయకులను ఆప్యాయంగా పలకరించారు. కుటుంబ శుభకార్యాల్లో పాల్గొని ఆత్మీయతను పంచుకోవడం ఆనందంగా ఉందని ఆయన పేర్కొన్నారు. కార్యక్రమంలో స్థానిక తెలుగుదేశం పార్టీ నాయకులు, కార్యకర్తలు, కుటుంబ సభ్యులు, బంధుమిత్రులు పెద్ద సంఖ్యలో పాల్గొన్నారు. నూతన వధూవరులకు శుభాకాంక్షలు తెలియజేస్తూ వేడుకను ఆనందోత్సాహాల మధ్య నిర్వహించారు.
కళ్యాణదుర్గం టౌన్ రిపోర్టర్ :- బోయ రంగస్వామి.