నెల్లూరులో జనసేన–బీజేపీ మధ్య హోరాహోరీ పోరు.. చివరి వరకు ఉత్కంఠ

నెల్లూరు, మేజర్ న్యూస్  :    నెల్లూరు నగరంలోని ఆరవ డివిజన్ ఎన్నికల పోరు రాజకీయ వర్గాల్లో ఆసక్తికర చర్చకు దారితీసింది. కూటమిలో భాగస్వాములుగా ఉన్న జనసేన, బీజేపీ అభ్యర్థులు చివరి వరకు పోటాపోటీగా తలపడటంతో ఈ డివిజన్‌పై ప్రత్యేక ఆసక్తి నెలకొంది.  పొత్తులో భాగంగా ఉన్నప్పటికీ, జనసేన అభ్యర్థికి తెలుగుదేశం పార్టీ నుంచి ఆశించిన స్థాయిలో సహకారం అందలేదన్న చర్చ స్థానికంగా వినిపిస్తోంది. తొలుత సహకారం అందిస్తామని చెప్పినట్టే చెప్పి, చివరికి వెనక్కి తగ్గారన్న అభిప్రాయాలు కూడా వ్యక్తమవుతున్నాయి.  అయితే, పోలింగ్‌కు ముందు చివరి మూడు రోజుల్లో జనసేన క్యాడర్ మొత్తం ఆరవ డివిజన్‌లో పార్టీ అభ్యర్థి గెలుపే లక్ష్యంగా అహర్నిశలు శ్రమించినట్లు తెలుస్తోంది. ఈ పరిణామాల నేపథ్యంలో ఆరవ డివిజన్ ఓటర్లు ఇచ్చిన తీర్పు ఎవరికి అనుకూలంగా ఉండనుంది? ఈ ఫలితం కూటమి పార్టీల మధ్య సమన్వయంపై ఎలాంటి ప్రభావం చూపనుంది? అన్నది ఆసక్తికరంగా మారింది.