నెల్లూరు రూరల్‌లో కోటంరెడ్డి గిరిధర్ రెడ్డి సుడిగాలి పర్యటన
నెల్లూరు రూరల్, మేజర్ న్యూస్ : జడ్పీటీసీ, ఎంపీటీసీ ఎన్నికల నేపథ్యంలో తెలుగుదేశం పార్టీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి నెల్లూరు రూరల్ మండలంలో విస్తృతంగా పర్యటించారు. ఉదయం నుంచి మండల పరిధిలోని వివిధ గ్రామాల్లో పర్యటిస్తూ పోలింగ్ కేంద్రాలను సందర్శించి ఓటింగ్ సరళిని పరిశీలించారు. ఈ సందర్భంగా స్థానిక టీడీపీ నాయకులు, కార్యకర్తలతో మాట్లాడి పోలింగ్ పరిస్థితులను అడిగి తెలుసుకున్నారు. ఎన్నికల ప్రక్రియలో పార్టీ శ్రేణులు అప్రమత్తంగా ఉండాలని, ఓటింగ్ శాతం మెరుగుపడేలా ఓటర్లకు అవగాహన కల్పించాలని సూచించారు. నాయకులకు పలు సూచనలు చేస్తూ ఎన్నికల నిర్వహణ తీరుపై ఎప్పటికప్పుడు వివరాలు తెలుసుకున్నారు. ఈ సందర్భంగా కోటంరెడ్డి గిరిధర్ రెడ్డి మాట్లాడుతూ.. ప్రతి ఒక్కరూ తమ అమూల్యమైన ఓటు హక్కును బాధ్యతగా వినియోగించుకోవాలని పిలుపునిచ్చారు. ప్రజాస్వామ్య ఎన్నికల్లో ఓటర్ల భాగస్వామ్యం ఎంతో ముఖ్యమని పేర్కొన్నారు.
